شخابيط عالحيط كان ياما كان كان فى زمان طفل زهقان ماشى يخبط فالطوب قام ماسك طوبه وراح عالحيط شخبط شخابيط ورسم حلم وبيت حلم كبير فوق السحاب كان نفسه يبقى راجل كبير مالى هدومه يقوم من نومه يروح على شغله ويخلص يومه ورسم بيت وراح معاها ست البيت السمراويه ام العيون الكحيله العسليه حلم بالوفا و اللمه و الدفا وعيال صغيرة بتجرى هنا وهناك واهل وعيله ولمه كبيرة شخابيط عالحيط و مع ان الحلم بسيط شويه شخابيط بحجر عالحيط لكن كبر الوله لا لاقى الحلم ولا البيت ولا لاقى الحيط ولا الشخابيط
ــــــــــــــــــــــــــــــــــــــــــــــــــــــــــــــــــــــــــــــ
الشخبوط التانى شخبوط حلو بس انانى شخبط لخبط قلبلى كيانى شخبوط وردى بقلم فضى خطى وعدا بس المرة دى على قلبى مش عا الحيط شخبوط حنيه بس المرادى بايد صبيه ,رسمت خط بقلمها الوردى وادى بدايه شخبوط الحب نظرة بنظرة وكلمه بكلمه كبر الخط جوة القلب
ــــــــــــــــــــــــــــــــــــــــــــــــــــــــــــــــــــــــــــــ
الشخبوط التالت شخبوط عدى على وجدانى نسانى زمانى خدنى معاه على عالم تانى عالم كله احلام و امانى المرادى شخبوط الاحلام شخبوط جوة فقلبى جنب تمام الشخبوط الوردى ودق القلب دا شكله الحب
ــــــــــــــــــــــــــــــــــــــــــــــــــــــــــــــــــــــــــــــ
الشخبوط الرابع
بعد كام شخبوط حنان زى بتوع افلام زمان كل المستخبى بان انت ايه فاكر نفسك مين بطل بقى كلامك الحلو عن الاشواق و الحنين جبت كل الكلام ده منين صدمه جامده مش كده كل ده يطلع اونطه عيب كده مش حرام كل المشاعر و الحنين طب خلاص بصوت رقيق قلت ياد ساعه غضب و المسامح كريم
ــــــــــــــــــــــــــــــــــــــــــــــــــــــــــــــــــــــــــــــ
الشخبوط الخامس
قولت اصبر بعد فترة يمكن يومين بص يابنى انت لازم تعرف انت ماشى وايا مين والزعيق ولا الكلام ده انت موجهم لمين طب برده ينفع افضل استناكى ساعه ومش من حقى ازعل انت فاكرانى ابقى مين حتى كلمتين حنيه مش عارفه تقوليهم انت طلعتيلى منين ياله نمشى عاوزة اروح (طب ياله غورى ده فى سرى )هبه حبه كلام حنين مع نظرتين من العنين طب حبيبى لسه برده زعلان منى و الفرحه هتيجى منين قومت واكل خبطه جامده بطرف كوعها انت جبت الرخامه ديه منين طب خلاص مع ابتسامه برده دا المسامح كريم
ــــــــــــــــــــــــــــــــــــــــــــــــــــــــــــــــــــــــــــــ
الشخبوط المرادى حائر ثائر غير العاده ايه يا واد انت مالها نازله فيك كده ليه هو الحب دا يطلع ايه حيرة ونار ده ماهوش حب ده اسمه مرار هى صحيح بتقول كلام حنيه لكن سعات بتكون برضه قاسيه شويه اه يا دماغى انا جبته لنفسى اصبر ياد والصبر كريم اصبر و الصبر دا يطلع ايه صبرت كتير اصبر ياد والصبر كريم
ــــــــــــــــــــــــــــــــــــــــــــــــــــــــــــــــــــــــــــــ
شخبوط التليفون
الو ,,,,,ايوة ...........ايوة حبيبى بكرة ايوة ... بكرة ان شاء الله بكرة حبيبى لازم اشوفك واسمع صوتك واحضن عينك برمش عيونى انا عاوزة اقولك ها قولى يا قلبى تنهيده جامده اوى مالك مالك جرالك ايه والتنهيد دا كله لائيه اصلى اصلك ايه قولى ياقلبى بتسكتى ليه اصل انا عاوزة اقولك حاجه بعد انت وحبك مش محتاجه من الدنيا دى حاجه حبك ليا كفايه عليا
ــــــــــــــــــــــــــــــــــــــــــــــــــــــــــــــــــــــــــــــ
الامتحانات خلصت
دمعه عين من حزنى عليكى ليه يا حبيبتى البعد ده ليه اسفه حبيبى طب اعمل ايه ياعنى خلاص مش هقدر اشوفك زى الاول ايوة حبيبى الامتحانات خلصت ممكن انزل بس راح اقول لاهلى ايه ام ايوة صحيح طب اعمل ايه طب اسمع صوتك لازم طبعا (بينى وبين نفسى مش مهتمه البنت كده ليه حاسس ببرود فى كلامها حتى عنيها بتقول كلام غير الى على لسانها )اصبر و الصبر جميل
ــــــــــــــــــــــــــــــــــــــــــــــــــــــــــــــــــــــــــــــ
شخبوط الضحيه
شخبوط الضحيه ليه ياقلبى تبقى هى ليه اكون انا الضحيه ليه تكون ديما قسيه ليه الحيرة وايام مريرة ليه عذابى وياكى ديما سؤال محير قلبى ومشاعر اوقات بتبقى بلسم يداوى واوقات بتكوى قلبى الى حبك عملت ايه عملت ايه عشان عذابى والى قاتلني ان خايف اجرح مشاعرك ببوحى ليكى عن عذابى فحبى ليكى اصبر ياقلبى اصبر ياقلبى
ــــــــــــــــــــــــــــــــــــــــــــــــــــــــــــــــــــــــــــــ
صبرى نفد كفايه خلاص
كفايه خلاص صبرى نفد والجرح موّت الاحساس خلاص فقدتينى وكنتى شيء غالى وهبتك حبى وسنينى وبعتى بالرخيص كل شيء غالى ياعنى ايه ياعنى خلاص كل الي بينا انتهى ياعنى دا اخر كلام اخر كلام هقولهولك ولو عشتى وقابلتنى هفكرهولك هتلفى الدنيا دى بحلها بشوبانها وفرسانها وكل رجالها ماهتلائى واحد منهم فيوم حبك ولا عشئك فيوم زيي وبكرة تجينى بدموعك وقول قلبى مكان طوعك ايامى معايى عشتيها وكل دقيقه خونتيها وكان نفسى نكملها لكن انتى خنئتيها فماتت و الدوام لله
ــــــــــــــــــــــــــــــــــــــــــــــــــــــــــــــــــــــــــــــ
العتاب
قالت عاتبنى انا راضيه تحسبنى اسأل واجاوبك وبلاش تقول هتسبنى صعب العتاب على قلبى اذاى اعاتبك وانا بحبك اعاتب روحى امال ايه خلاص تعبت انا انتى ايه كفايه بقى حبيبى بس بقى بلاش عتاب بزياده عذاب عرفتى ان قلبى فيكى داب لكن حبيبتى صعب اكمل وياكى حرتى مرة تحبى ومرة تحنى وساعه طيبه وساعه غريبه وساعه فراق وساعه شقى ولافيش لقى وديما عيونى ليكى متشوقه تملى نفسى المس اديكى انا كنت عاوز اقولك على حبه حاجات قبل ماسيبك وامشى انتى عارفه تملى لما كنت بكون لوحدى كنت بسرح وياخدنى الخيال لعنيكى وافرح لما اشوفك ادام عيونى كنت شايل فقلبى ليكى حاجات كتيركان نفسى نبقى اجمل حبايب لكن للاسف ياحبيبتى باين ضاعت منى الامانى وبقولها تانى منك انا مش زعلان وعلى حبك مش ندمان ولا راح اعتب عليكى ولا فيوم ترجعنى ليكى دموع عنيكى حبك دا ذكرى وخليكى فاكرة قلبى الى حبك وزى ما قولت هيجى بكرة وتعرفى قمتى انا مجوووود يالى عشئتك من غير حدود خلاص خلصت كلامك اسف ان كان كلامى جرحك لكن كان لازم اصارحك ياعنى خلاص مافيش امل طب قولى عملت ايه بكل استهانه قلبى لعبتى بيه طبعك انانى حبيتك نفسك اكتر مابتحبيه اسفه حبيبى بلاش حبيبى نزله دموع عنيها الف خنجر مسموم يطعن فقلبى الوفى اجمد يا قلبى اصبر على الجفا اصبر و الصبر جميل كلام لنفسى يمكن رحلت عنى حبيبتى لكن هيفضل الحب ساكن بين الضلوع وذكرى حلوة فيوم ربيع لحظه لقى لما كانت حبيبتى هناك وائفه بعيد متشوئه ومش هنسى عنيها ولا لمسه اديها وهتفضل ذكرى عايشه مع السنين خلص شخبوطى وسبنا بعض ورجعنا تانى وسبنا بعض تانى لكن بصراحه انا مش ندمان كانت حكايتى مع الى كنت فاكر هتكون اميرتى مجووود
ــــــــــــــــــــــــــــــــــــــــــــــــــــــــــــــــــــــــــــــ
0 comments:
Post a Comment