لساتك زعلانة يا نور
بتغارى علية
مع انك عارفة يا نور أنى ماليش غيرك
وأنى أكون طيرك وانتى العش و المرسى
يبقى ازاى أطير مع غيرك
عرفك
عارف طيبة جلبك
اياكى يا نور طول ما أنا عايش على وش الدنيا
وبدب برجل الأرض
اسمع أنة في دمع فعينك
سعتها يا نور اعرفي أنى موت خلاص
لساتك زعلانة يا نور
أه يا نور
لساتك مش عارفة انك ساكنة حشاى وجوفي
وتملى جلجى و خوفي عليكى
والله يا نور
لو راح تلفى الدنيا من شرق لغرب
مش حتلاجى يا نور غير قلبي أطيب قلب
عرفك عشئانى وبداري علية
بتغارى وبمثلي دور الجسوة
باين في عنيكى الحنية
ومنين راح تيجى الجسوة عاد
لساتك زعلانة
بوصيلى
يا نور انتى ليلى وسهر وجنديلى
إلى بينورلى الظلمات
لساتك زعلانة ينور
سيبك من الهم ومن الزعل يغور
طب بالله تلاتة عظيم إن ما شفتش الضحكة في عينك
منا دايج طعم الزاد
ولا راح يفوت يوم راحة علية
إذا زعلتى انتى بالذات
لساتك زعلانة يا نور
طب ردى علية
قوليلى روح يالة بعيد غور بس اسمع صوتك
جاتلنى سكوتك
لساتك زعلانة يا نور
آمال لو مش بتحبينى
كنتى جتلتينى
ضحكتلى خلاص
ضحكتلى وشرقت شمس البدور
والدنيا من بعد الضلمة صبحت نور
والله مش كداب من سماكى نور
05-12-2008
0 comments:
Post a Comment